aviabiletebi
ახალი ამბები მთავარი მსოფლიო

COVID-19-ის გამო დაწესებული შეზღუდვების მოხსნის შემდეგ, ჩინეთის ტურისტულ ადგილებში კვლავ ხალხმრავლობაა

aviabiletebi
ავიაბილეთები

COVID-19-ის გამო დაწესებული შეზღუდვების მოხსნის შემდეგ, ჩინეთის მთავარ ქალაქებსა და ტურისტულ ადგილებში კვლავ ხალხმრავლობაა. ინფორმაცია CNN ავრცელებს.

მათივე ცნობით, ჯანდაცვის სფეროს წარმომადგენლები და ექსპერტები კვლავ პანდემიის განვითარების საფრთხეზე საუბრობენ.

“4 აპრილს, ანხოის პროვინციაში, ხუანშანის მთის პარკში შესვლის მსურველთა რაოდენობამ დილის 7 სთ-სა და 48 წთ-ზე პიკს მიაღწია და ხელისუფლების განცხადებით, იქ შესვლა აღარ შეიძლებოდა, რადგან სტუმართა რაოდენობა უკვე 20 000-ს შეადგენდა.” –  Global Times.

ასევე CNN-ის ცნობით, ხალხმრავლობა იყო შანხაიშიც. სადაც. ზოგიერთ რესტორანში მომსახურების მისაღებად წინასწარი ჯავშანიც კი იყო საჭირო. ხახლმრავლობა იყო პეკინშიც, სადაც ადგილობრივები დიდი რაოდენობით სტუმრობდნენ პარკებსა და სხვა სივრცეებს.

შეგახსენებთ, რომ მსოფლიოს მასშტაბით კორონავირუსით ინფიცირებულთა რაოდენობამ 1,292,461 მიაღწია. გარდაიცვალა 70,797 ადამიანი, გამოჯანმრთელდა 272,526 პაციენტი.

ჯანდაცვის მსოფლიო ორგანიზაციამ, 11 მარტს COVID-19, რომელმაც გავრცელება სულ რაღაც 3 თვის წინ დაიწყო, ოფიციალურად საერთაშორისო პანდემიად გამოაცხადა.

გლობალურად ახალი კორონავირუსის გავრცელების გამო პოლიტიკოსები და მათი ოჯახის წევრებიც დაზარალდნენ. „სიენენი“ კორონავირუსით დაავადებული, ასევე თვითიზოლაციაში მყოფი მსოფლიო ლიდერებისა და პოლიტიკოსების შესახებ წერს.

ისრაელის ფსიქოსომატიკის ინსტიტუტის ხელმძღვანელი, ვიდეორჩევებს იძლევა, თუ როგორ უნდა ვუმკურნალოთ კორონავირუსით ინფიცირებულს.

6 აპრილის მონაცემებით, საქართველოში COVID-19 ის 188 შემთხვევაა დადასტურებული. მათ შორის 39 პაციენტი ვირუსისგან სრულად განიკურნა. ქვეყნის მასშტაბით გარდაცვალების ორი შემთხვევა ფიქსირდება. კარანტინის რეჟიმში იმყოფება 5056 მოქალაქე, ხოლო სტაციონარში მეთვალყურეობის ქვეშ – 386.

30 მარტს საგანგებოდ გამართულ ბრიფინგზე, პრემიერ-მინისტრმა გიორგი გახარიამ განცხადება გააკეთა. მისი თქმით, კორონავირუსით ინფიცირების ზრდის დინამიკა შემაშფოთებელია.

მთავრობის მეთაურმა ადმინისტრაციაში გამართულ ბრიფინგზე, ასევე, ის შეზღუდვები ჩამოთვალა, რომლებიც, საყოველთაო კარანტინის ფარგლებში ამოქმედდება.

საქართველოში 30 მარტს, მთელი ქვეყნის მასშტაბით საყოველთაო კარანტინი და ე.წ. კომენდანტის საათი გამოცხადდა.

პრემიერ-მინისტრის განცხადებით, შეიქმნება მთავრობის ცხელი ხაზი – 144, რომელიც იქნება უფასო და მოქალაქეებს ნებისმიერ საკითხზე კოორდინაციას გაუწევს.

კარანტინისა და თვითიზოლაციის წესის დარღვევის განმეორებით შემთხვევაში, დამრღვევ პირს სასჯელის ზომად განესაზღვრება შინაპატიმრობა ან თავისუფლების აღკვეთა ერთი წლის ვადით.

ინფორმაცია საქართველოში ახალი კორონავირუსის შესახებ ყოველდღიურად ახლდება საიტზე https://stopcov.ge/. 

ინფორმაცია მსოფლიოში ვირუსით ინფიცირებულთა, გამოჯანმრთელებულთა და გარდაცვლილთა შესახებ ყოვედღიურად ახლდება საიტზე https://www.worldometers.info/coronavirus/.

ჯანდაცვის სამინისტროს ცხელი ხაზი: 1505.

დაავადებათა კონტროლის ცხელი ხაზი: 116 001.

იტვირთბა....