ახალი ამბები მთავარი საზოგადოება

საქართველოში კორონავირუსისგან 39 ადამიანია გამოჯანმრთელებული

საქართველოში ახალი კორონავირუსის ინფექციისგან კიდევ სამი პაციენტი გამოჯანმრთელდა და გამოჯანმრთელებულთა საერთო რაოდენობა უკვე 39 გახდა.

მონაცემები საქართველოს მთავრობის მიერ შექმნილ სპეციალურ ვებგვერდზე ცოტა ხნის წინ განახლდა.

ამავე მონაცემებით, ქვეყანაში კორონავირუსით საერთო ჯამში ინფიცირებულია 188 ადამიანი, ხოლო 2 პაციენტი გარდაცვლილია. კარანტინის რეჟიმშია – 5056 ადამიანი, სტაციონარში მეთვალყურეობის ქვეშ – 386 მოქალაქეა.

4 აპრილს გარდაცვალების პირველი შემთხვევა დაფიქსირდა.  გარდაიცვალა კორონავირუსით ინფიცირებული 79 წლის ქალი. პაციენტი კლინიკაში 31 მარტს  შეიყვანეს. მას თანმხლები დაავადებებიც აღენიშნებოდა, რამაც მისი მდგომარეობა დაამძიმა.

5 აპრილს კი კორონავირუსით ინფიცირებული მეორე პაციენტი გარდაიცვალა. ინფიცირებულს სიცოცხლესთან შეუთავსებელი გართულებები ჰქონდა, რამაც საბოლოოდ ბიოლოგიური სიკვდილი გამოიწვია.

მთავრობის 30 მარტის გადაწყვეტილებით, საგანგებო მდგომარეობის ვადით ფაქტობრივად საყოველთაო კარანტინი გამოცცხადდა. საყოველთაო კანარტინის პერიოდში, 21:00 საათიდან დილის 06:00 საათამდე  ე.წ. კომენდანტის საათი დაწესდა.პრემიერმას საზოგადოებას ის შეზღუდვები გააცნო, საყოველთაო კარანტინის დროს ამოქმედდა.

პრემიერ-მინისტრის გადაწყვეტილებით, შეიქმნება მთავრობის ცხელი ხაზი – 144, რომელიც იქნება უფასო და მოქალაქეებს ნებისმიერ საკითხზე კოორდინაციას გაუწევს.

ჯანდაცვის მსოფლიო ორგანიზაციამ 30 იანვარს კორონავირუსი გლობალურ საფრთხედ, 11 მარტს კი, პანდემიად გამოაცხადა.

ავიაბილეთები იაფად
იტვირთბა....

სხვა ამბები

არსებობს 3 ძალა, რაზეც ივანიშვილის მმართველობა დგას – რას აცხადებს მურმან დუმბაძე

ხაბეიშვილი ოპოზიციას: დავამთავროთ ყოველგვარი დაყოფა, ქვეყანას ვკარგავთ

რატომ არის „რემდესივირი“ და მონოკლონური ანტისხეულები კოვიდ-19-ის მკურნალობის პროცესში ეფექტიანი – ცერცვაძის განმარტება

მიშველაძე: ლაშქარავა ნარკომანი იყო, დევნილი მამაკაცი ლოთი, არც 5 ივლისი ყოფილა, გაუმარჯოს საბჭოთა საქართველოს

ხოშტარია: ამ სახლში კედლებზე სოკოები ამოდის და ოჯახები იწამლებიან

სააკაშვილი: ზუგდიდში ჰოკეის გუნდიც შეუქმნიათ…ოღონდ, ეს ის “ჰოკეისტებია”, ჩვენი აქციების დროს ხელში ცოცხები რომ უჭირავთ