კოალიცია „ძლიერი საქართველოს“ ლიდერი, მამუკა ხაზარაძე მედიას შეხვდა.
მან სხვადასხვა თემაზე ისაუბრა, მათ შორის, „ნაციონალური მოძრაობის“ ხელისუფლების საქმიანობის შემსწავლელი პარლამენტის დროებითი საგამოძიებო კომისიის“ შესახებ.
ხაზარაძემ აღნიშნა, რომ მიიღო ინფორმაცია სასამართლოდან, რომლის მიხედვითაც, დღეს სასამართლო სხდომა ჩაინიშნა.
„მომივიდა ინფორმაცია სასამართლოდან, რომ დღეს სასამართლო სხდომა ჩაგვინიშნეს. ძალიან ოპერატიულად მოქმედებენ, ჩვენ, რა თქმა უნდა, გამოვცხადდებით სასამართლოში და მოვითხოვთ, რომ თუ ვინმეს რაიმე პრეტენზია აქვს გავარჩიოთ იქ“, – აღნიშნა მან.
შეგახსენებთ, გენერალურმა პროკურატურამ, ხაზარაძის საგამოძიებო კომისიაში გამოუცხადებლობის გამო, გამოძიება დაიწყო.
ანაკლიის პორტის პროექტის შესახებ ხაზარაძის დღევანდელ განცხადებას გაეცანით ბმულზე.