გერმანიამ ნიდერლანდებს ნებართვა მისცა, რომ უკრაინაში გაგზავნონ 400 სარაკეტო ყუმბართმტყორცნი. ინფორმაციას Politico ევროკავშირის ოფიციალურ პირებზე დაყრდნობით ავრცელებს.
შაბათამდე გერმანია იცავდა გრძელვადიან პრაქტიკას, რომ არ უშვებდა ლეტალური იარაღის გადატანას, რომელსაც ის აკონტროლებდა კონფლიქტის ზონაში.
გერმანიის ცვლილება ხდება მას შემდეგ, რაც მრავალი დასავლელი მოკავშირე მობილიზებულია, რათა უკრაინას მეტი იარაღი, საბრძოლო მასალა და საზენიტო თავდაცვის სისტემებიც კი გაუგზავნონ, რადგან რუსული ძალები უკრაინის დიდ ქალაქებს ანადგურებენ.
ამ პოზიციამ შეაშფოთა ზოგიერთი ევროპელი ოფიციალური პირი, მით უფრო მას შემდეგ, რაც რუსეთის პრეზიდენტმა ვლადიმერ პუტინმა გასცა ბრძანება სრულმასშტაბიანი შეჭრისა და სარაკეტო დარტყმების კიევზე, უკრაინის დედაქალაქზე.
უკუქცევა შეიძლება ნიშნავს უკრაინისთვის ევროპული სამხედრო დახმარების სწრაფ ზრდას, რადგან კონტინენტის იარაღისა და საბრძოლო მასალის დიდი ნაწილი ნაწილობრივ მაინც გერმანული წარმოებისაა, რაც ბერლინს აძლევს იურიდიულ კონტროლს მათ გადაცემაზე.
თუმცა, ბერლინის პოზიციის შეცვლა სულაც არ ნიშნავს იმას, რომ იარაღის გადაზიდვის ყველა მოთხოვნა დამტკიცდება, რადგან თითოეული შემთხვევა ინდივიდუალურად წყდება. შაბათის შემობრუნებამდე, უკრაინის მაღალი რანგის ოფიციალური პირები კვირების განმავლობაში მწარედ უჩიოდნენ გერმანიის უარს იარაღის მიწოდებაზე უკრაინის თავდაცვის გასაძლიერებლად.
როგორც ცნობილია, ეს, სავარაუდოდ, გამოწვეულია პუტინის ბრძანებით უკრაინის ტერიტორიაზე რუსი სამხედროების წინსვლის შეჩერების შესახებ, რის შესახებაც რუსეთის პრეზიდენტის პრესმდივანმა დიმიტრი პესკოვმა განაცხადა.
ბოლო ცნობებით, კრემლის პრესსპიკერი დიმიტრი პესკოვი აცხადებს, რომ უკრაინამ მოლაპარაკებაზე უარი თქვა – ოფიციალური კიევი ამ ინფორმაციას უარყოფს და აცხადებს, რომ ისინი მოლაპარაკებისთვის მზად არიან.
ამასთან, უკრაინის საგარეო საქმეთა მინისტრმა დმიტრო კულებამ განაცხადა, რომ რუსეთის SWIFT-ის საერთაშორისო პროგრამიდან გარიცხვის მოსამზადებელი პროცესი დაწყებულია.
ვრცელდება ცნობები, რომ კიევთან რუსეთის არმიის უზარმაზარი კოლონა დგას – ამასთან უკრაინის გენერალურმა შტაბმა რუსული ტანკების შესაჩერებლად სპეციალური განმარტებები გაავრცელა.