ემანუელ მაკრონთან დიალოგისთვის ვლადიმერ პუტინის მზადყოფნა მისასალმებელია – აღნიშნულის შესახებ განცხადებას საფრანგეთის პრეზიდენტის ადმინისტრაცია ავრცელებს.
“მისასალმებელია, რომ კრემლი ამ მიდგომას საჯაროდ დათანხმდა. მოქმედების საუკეთესო კურსის შესახებ გადაწყვეტილებას უახლოეს დღეებში მივიღებთ“, – აცხადებს ელისეის სასახლე.
როგორც ელისეის სასახლეში აღნიშნეს, რუსეთის პრეზიდენტთან ნებისმიერი სახის დიალოგი უკრაინის პრეზიდენტთან და ევროპელ პარტნიორებთან “სრული გამჭვირვალობით“ შედგება და მიზანს კვლავ უკრაინისთვის “მდგრადი და ხანგრძლივი მშვიდობის“ მიღწევა წარმოადგენს.