ახალი ამბები მთავარი სამართალი

ზუგდიდში „საქართველოს ბანკზე” თავდამსხმელი, სავარაუდოდ, შენობიდან გაიყვანეს

არსებული ინფორმაციით, ზუგდიდში „საქართველოს ბანკის” შენობიდან ყველა მძევალი გამოიყვანეს.

ამასთანავე, სავარაუდოდ, დაკავებულია თავდამსხმელიც, თუმცა ჯერჯერობით, შინაგან საქმეთა სამინისტროს ოფიციალური განცხადება არ გაუკეთებია.

ზუგდიდში საქართველოს ბანკის ერთ-ერთ ფილიალში შეიარაღებული მამაკაცი შეიჭრა, რომელმაც ფულის სანაცვლოდ მძევლები აიყვანა. ადგილზე მობილიზებულია პოლიცია და ტარდება სპეცოპერაცია. მოქალაქეები სახანძრო კიბით, სახურავიდან ცდილობდნენ შენობის დატოვებას.   

ამათანავე, მძევალი ბანკიდან ტელევიზიას პირდაპირ ეთერში ჩაერთო. მან სამართალდამცველებს მოთხოვნის შესასრულებლად 2 საათი მისცა.

ინტერნეტში გამტაცებლის ფოტოც გავრცელდა.

შინაგან საქმეთა სამინისტროს ინფორმაციით, მომხდარ ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.

აღსანიშნავია, რომ რამდენიმე წუთის წინ, ზუგდიდში, „საქართველოს ბანკის“ მიმდებარე ტერიტორიაზე, “ევროპული საქართველოსა” და “ქართული მარშის” წევრები ერთმანეთს დაუპირისპირდნენ.

ავიაბილეთები იაფად
იტვირთბა....