გაეროს გენერალური მდივნის მრჩეველმა ჯანდაცვის საკითხებში, პროფესორმა გიორგი ფხაკაძე “ტვ პირველის“ ეთერში განცხადება გაავრცელა. მისი თქმით, შემოდგომაზე ვირუსს იმუნიტეტდაქვეითებული შევხვდებით.
„ჩვენ შემოდგომაზე ვირუსს იმუნიტეტდაქვეითებული შევხვდებით. ახლა მეტნაკლებად ძლიერები ვიყავით. ახლა 2-3 თვე რომ ვსხედვართ სახლში და არ გვაქვს საშუალება ჯანმრთელობას მოვუფრთხილდეთ, სხვადასხვა ქრონიკული დაავადება იფეთქებს და გამწვავდება. ჩვენ მეორე ტალღას შევხვდებით დაქვეითებული იმუნიტეტითა და გამწვავებული ქრონიკული დაავადებებით, ამიტომაც ზაფხულში ძალიან დიდი მობილიზაციაა გასაკეთებელი ჯანდაცვის სისტემის. უნდა გადავდოთ ყველა გაუგებრობა გვერდზე, პროცესებში უნდა ჩაერთოს კერძო სექტორიც, რომ სრული მობილიზაციით შევამციროთ დარტყმა. დარტმა მაინც იქნება ძალიან ძლიერი და ჯობია ვიცოდეთ, რას ველოდებით, რადგან თუ სწორად ვიქნებით შეიარაღებული, უფრო კარგად მოვიგერიებთ ამ დარტყმას“ – განაცხადა გიორგი ფხაკაძემ.
ფხაკაძემ კიდევ ერთი განცხადება გაავრცელა და თქვა, რომ იმ ქვეყნებში სადაც ჯანდაცვის სისტემა არ არის მყარი, ციფრები არის დაბალი.
შეგახსენებთ, რომ 8 აპრილის მონაცემებით, საქართველოში COVID-19 ის 211 შემთხვევაა დადასტურებული. მათ შორის 50 პაციენტი ვირუსისგან სრულად განიკურნა. ქვეყნის მასშტაბით გარდაცვალების სამი შემთხვევა ფიქსირდება. კარანტინის რეჟიმში იმყოფება 4682 მოქალაქე, ხოლო სტაციონარში მეთვალყურეობის ქვეშ – 375.
30 მარტს საგანგებოდ გამართულ ბრიფინგზე, პრემიერ-მინისტრმა გიორგი გახარიამ განცხადება გააკეთა. მისი თქმით, კორონავირუსით ინფიცირების ზრდის დინამიკა შემაშფოთებელია.
მთავრობის მეთაურმა ადმინისტრაციაში გამართულ ბრიფინგზე, ასევე, ის შეზღუდვები ჩამოთვალა, რომლებიც, საყოველთაო კარანტინის ფარგლებში ამოქმედდება.
საქართველოში 30 მარტს, მთელი ქვეყნის მასშტაბით საყოველთაო კარანტინი და ე.წ. კომენდანტის საათი გამოცხადდა.
პრემიერ-მინისტრის განცხადებით, შეიქმნება მთავრობის ცხელი ხაზი – 144, რომელიც იქნება უფასო და მოქალაქეებს ნებისმიერ საკითხზე კოორდინაციას გაუწევს.
კარანტინისა და თვითიზოლაციის წესის დარღვევის განმეორებით შემთხვევაში, დამრღვევ პირს სასჯელის ზომად განესაზღვრება შინაპატიმრობა ან თავისუფლების აღკვეთა ერთი წლის ვადით.
მსოფლიოს მასშტაბით კორონავირუსით ინფიცირებულთა რაოდენობამ 1,455,955 მიაღწია. გარდაიცვალა 83,666 ადამიანი, გამოჯანმრთელდა 309,825 პაციენტი.
ჯანდაცვის მსოფლიო ორგანიზაციამ, 11 მარტს COVID-19, რომელმაც გავრცელება სულ რაღაც 3 თვის წინ დაიწყო, ოფიციალურად საერთაშორისო პანდემიად გამოაცხადა.
გლობალურად ახალი კორონავირუსის გავრცელების გამო პოლიტიკოსები და მათი ოჯახის წევრებიც დაზარალდნენ. „სიენენი“ კორონავირუსით დაავადებული, ასევე თვითიზოლაციაში მყოფი მსოფლიო ლიდერებისა და პოლიტიკოსების შესახებ წერს.
ისრაელის ფსიქოსომატიკის ინსტიტუტის ხელმძღვანელი, ვიდეორჩევებს იძლევა, თუ როგორ უნდა ვუმკურნალოთ კორონავირუსით ინფიცირებულს.
ინფორმაცია საქართველოში ახალი კორონავირუსის შესახებ ყოველდღიურად ახლდება საიტზე https://stopcov.ge/.
ინფორმაცია მსოფლიოში ვირუსით ინფიცირებულთა, გამოჯანმრთელებულთა და გარდაცვლილთა შესახებ ყოვედღიურად ახლდება საიტზე https://www.worldometers.info/coronavirus/.
ჯანდაცვის სამინისტროს ცხელი ხაზი: 1505.
დაავადებათა კონტროლის ცხელი ხაზი: 116 001.
