ქუთაისის საკრებულოს წევრს ნანა კოსტავას დავუკავშირდით, რათა მის გადაწყვეტილებასთან დაკავშირებით გვეკითხა – რჩება თუ არა კოსტავა ქუთაისის საკრებულოში.
“რომ არ მცალია თქვენთვის არც ერთი წუთი? თქვენ არ ხართ ობიექტური ჟურნალისტები”, – განუცხადა “მეტრონომს” კოსტავამ ისე, რომ არც დაინტერესებულა რომელი მედიასაშუალება უკავშირდებოდა.
შეგახსენებთ, რომ ქუთაისის საკრებულოსთან 30 მაისს საპროტესტო აქცია გაიმართა. აქციის მონაწილეები ქუთაისის საკრებულოდან ფრაქცია ქართული ოცნება-კონსერვატორების თავმჯდომარის, ნანა კოსტავას მიერ დაკავებული თანამდებობის დატოვებას ითხოდნენ.
“კაი დღეში ხარ ახლა, იცინე!” – ასეთი აღწერით გააზიარა 28 მაისს ნანა კოსტავამ სოციალური მედიის მენეჯერ სალომე ბარკერის 2018 წლის ერთ-ერთი ვიდეოშარჟი.
სალომე ბარკერის 16 წლის და რამდენიმე დღის წინ ლაგოდეხში, სასკოლო ექსკურსიაზე ყოფნისას, მდინარეში ჩავარდა, რის შედეგადაც გარდაიცვალა.
კოსტავას გენდერული საბჭოც დაატოვებინეს.
ამის შემდეგ, ცნობილი გახდა, რომსიძულვილის ენის გამოყენებაში დადანაშაულებული ნანა კოსტავა საკრებულოს დეპუტატის მანდატს სავარაუდოდ, 3 ივნისს დატოვებდა.
თუმცა, როგორც დღეს კოსტავამ განაცხადა, ის სავარაუდოდ, ქუთაისის საკრებულოს აღარ დატოვებს.