ბავშვთა სამყაროს დაწვის შედეგად დაზარალებულები საქართველოს მთავრობის ადმინისტრაციასთან აქციას მართავენ. ისინი გიორგი კვირიკაშვილთან შეხვედრას ითხოვენ. მათი განცხადებით, პრემიერი აქამდე არცერთ მათგანს არ შეხვედრია. როგორც აქციის მონაწილეები აცხადებენ, თუ პრემიერ-მინისტრი მათ არ შეხვდება, უვადო შიმშილობას დაიწყებენ და აქციებს იქამდე გამართავენ, სანამ მათი მოთხოვნები არ დაკმაყოფილდება.
მთავრობის კანცელარიასთან საჭირო გახდა სასწრაფო დახმარების ბრიგადის გამოძახებაც, რადგან აქციის ერთ-ერთი მონაწილე შეუძლოდ გახდა.
ე.წ. ბავშვთა სამყაროს შენობაში ხანძრი 30 იანვარს მოხდა. ხანძრის შედეგად შენობა სრულად დამწვარია და მერიის გადაწყვეტილებით, უნდა მოხდეს მისი სრული დემონტაჟი.