“თანაინვესტირების ფონდის ყოფილი ხელმძღვანელი თაღლითობაშია მხილებული” – რა ინფორმაციას ავრცელებს პროკურატურა

პროკურატურის მიერ გავრცეკებული ინფორმაციით, თანაინვესტირების ფონდის ყოფილმა ხელმძღვანელმა, გიორგი ბაჩიაშვილმა 39 215 820 აშშ დოლარის ღირებულების ბიტკოინი მართლსაწინააღმდეგოდ მიითვისა.

„ბრალდებულმა, რომლის მართლზომიერ მფლობელობასა და გამგებლობაშიც იმყოფებოდა მაინინგის შედეგად გამომუშავებული სრული კრიპტოვალუტა, 2017 წლის ოქტომბერში, ინვესტორს ჩადებული ინვესტიციიდან მიღებული სრული მოგების სანაცვლოდ მხოლოდ 536 900 აშშ დოლარი გადასცა, ხოლო დარჩენილი ინვესტორის კუთვნილი 8 253.13 ოდენობის ბიტკოინი მართლსაწინააღმდეგოდ მიითვისა, რომლის ღირებულებაც მისი მართლსაწინააღმდეგოდ დაუფლების პერიოდში 39 215 820 აშშ დოლარს შეადგენდა“, – აღნიშნულია პროკურატურის განცხადებაში.

შეგახსენებთ, ბიძინა ივანიშვილის მიერ დაარსებულ თანაინვესტირების ფონდს ბაჩიაშვილი 2013-2019 წლებში ხელმძღვანელობდა.