ყირიმიდან მელიტოპოლის მიმართულებით რუსი სამხედროების გააქტიურება და კოლონების რაოდენობის ზრდა მიუთითებს იმაზე, რომ უკრაინის შეიარაღებული ძალები კონტრშეტევებს წარმატებით ახორციელებენ, – მსგავსი მოსაზრება TV5- ის ეთერში საინფორმაციო წინააღმდეგობის ჯგუფის სამხედრო-პოლიტიკურმა დამკვირვებელმა და ბლოგერმა ალექსანდრე კოვალენკომ გამოთქვა.
მისი თქმით, აგვისტოს დასაწყისამდე უკრაინის შეიარაღებულ ძალებს შეეძლებათ უშუალოდ დაბლოკონ რუსი დამპყრობლები ქალაქ ხერსონის საზღვარზე.
„ისინი (რუსი ოკუპანტები) იყენებენ იმ რესურსს, რომელიც ჰქონდათ უშუალოდ ზაპოროჟიეს ოლქის ხიდზე. ასევე ამარაგებენ უკვე ძალებს რუსეთიდან და დროებით ოკუპირებული ყირიმის ნახევარკუნძულის გავლით. ვფიქრობ, სადღაც აგვისტოს დასაწყისში დავინახავთ სიტუაციას, როდესაც უკრაინის შეიარაღებული ძალები პირდაპირ დაბლოკავს რუს ოკუპანტებს ქალაქ ხერსონის საზღვარზე“, – ამბობს ექსპერტი.
კოვალენკოს თქმით, მელიტოპოლის გათავისუფლებას წინ უძღვის სხვა რეგიონალური ცენტრებისა და დასახლებების დეოკუპაცია, რომლებიც რეალურად ქალაქისკენ მიმავალ გზაზეა. ასევე, ოკუპანტები აგროვებენ „რაოდენობას, მაგრამ არა ხარისხს“ და სწორედ ხარისხია საჭირო შემდგომი შეტევითი ოპერაციების ჩასატარებლად.