უკრაინაში რუსი გენერალი, ანდრეი სუხოვეცკი დაიღუპა, – აღნიშნულის შესახებ ინფორმაციას კიროვის ოლქში რუსეთის საჰაერო სადესანტო ძალების წარმომადგენელმა სერგეი ჩიპილევმა განაცხადა.
“სუხოვეცკი ადრე მე-7 საჰაერო სადესანტო დივიზიას მეთაურობდა, ცოტა ხნის წინ კი 41-ე არმიის მეთაურის მოადგილე იყო”, – ნათქვამია ინფორმაციაში.
უახლესი ცნობებით, ასობით რუსული ჯავშანტექნიკა, რომელიც კიევისკენ მიემართებოდა ამჟამად „გაჩერებულია“.
როგორც “ბიბისი” იუწყება, დაუზუსტებელი ინფორმაციით, ჯარისკაცებს საწვავი და საკვები ეწურება.
უკრაინის თავდაცვის სამინისტროს ინფორმაციით, 2 მარტს უკრაინელმა სამხედროებმა რუსების 3 თვითმფრინავი და 2 ვერტმფრენი გაანადგურეს.უკრაინის გენერალური შტაბის ინფორმაციით, შეტაკებების შედეგად დაიღუპა 9000 რუსი სამხედრო, განადგურდა ათეულობით რუსული სამხედრო ტექნიკა.