საქართველოს პრეზიდენტი სალომე ზურაბიშვილი რუსეთის მიერ ოკუპირებული დონეცკის და ლუგანსკის ე.წ. დამოუკიდებლობის აღიარებას სოციალურ ქსელში ეხმაურება:
“საქართველო მკაცრად გმობს რუსეთის მიერ უკრაინის რეგიონების – დონეცკისა და ლუგანსკის “აღიარებას”, რაც იმეორებს სცენარს, რომელმაც საქართველოს ტერიტორიების 20%-ის ოკუპაცია გამოიწვია. საქართველო თქვენს გვერდით დგას პრეზიდენტო ზელენსკი და მხარს უჭერს უკრაინის ტერიტორიულ მთლიანობასა და მშვიდობას”, – წერს სალომე ზურაბიშვილი “ტვიტერში”.
ცნობისთვის, რუსეთის პრეზიდენტმა, ვლადიმირ პუტინმა ოკუპირებული დონეცკის და ლუგანსკის ე.წ. დამოუკიდებლობა აღიარა.