იტალიის სამოქალაქო თავდაცვის სამსახურის ინფორმაციით, ქვეყანაში კორონავირუსით ინფიცირების ახალი შემთხვევები ზედიზედ მეხუთე დღეა, რაც იკლებს.
გასული 24 საათის განმავლობაში იტალიაში კორონავირუსით ინფიცირების 1 075 შემთხვევა დადასტურდა, რაც 10 მარტის შემდეგ ყველაზე დაბალი მონაცემია.
რაც შეეხება სიკვდილიანობას, ბოლო დღე-ღამეში იტალიაში 236 ადამიანი გარდაიცვალა, გარდაცვლილთა საერთო რაოდენობა 29 315-ს აღწევს.
შეგახსენებეთ, კორონავირუსის პანდემიის დაწყებიდან დღემდე იტალიაში კორონავირუსით ინფიცირების 213 013 შემთხვევა დადასტურდა, ხოლო 85 231 კი გამოჯანმრთელდა.
კორონავირუსის პანდემიის გამო დაწესებული ორთვიანი მკაცრი კარანტინის შემდეგ პირველად იტალიაში შეზღუდვების შემსუბუქება იწყება.
