უცხოური მედიის ინფორმაციით, უკრაინაში ომის დასრულების საკითხზე, დღეს, ლონდონში საგარეო საქმეთა მინისტრების დონეზე დაგეგმილი შეხვედრა გადაიდო.
“უკრაინის სამშვიდობო მოლაპარაკებების შესახებ საგარეო საქმეთა მინისტრების დღევანდელი შეხვედრა გადაიდო. ოფიციალური დონის მოლაპარაკებები გაგრძელდება, მაგრამ მედიისთვის დახურული იქნება”.– განაცხადეს დიდი ბრიტანეთის საგარეო საქმეთა სამინისტროში.
ცნობისთვის, დღეს, ლონდონში უკრაინაში ომის დასრულებისა და ცეცხლის შეწყვეტის საკითხზე აშშ-ის სახელმწიფო მდივნის, ასევე დიდი ბრიტანეთის, გერმანიის, საფრანგეთისა და უკრაინის საგარეო საქმეთა მინისტრების მონაწილეობით შეხვედრა უნდა გამართულიყო.
გუშინ გავრცელდა ინფორმაცია, რომ აშშ-ის სახელმწიფო მდივანი, მარკო რუბიო შეხვედრაში მონაწილეობას არ მიიღებდა.