“არ არის დღეს სამეგობროში, ოჯახებში შეკრებების დრო – არც არსად გარეთ, მათ შორის ეკლესიებში”

“რაც უფრო ნაკლები კონტაქტები გვექნება, ძალიან მძიმეა ამის თქმა, მაგრამ ეს ეხება – ყველგან, ყველას, მათ შორის, ეკლესიას, სამეგობრო წრეებს, დიდ ოჯახურ თავყრილობებსაც. ყველა შემთხვევა, რომელიც ქვეყანაში შემოვიდა და მერე აქ გავრცელდა, ძირითადად ყველა იყო ოჯახური კლასტერები; ეს იყო სამეგობროში გავრცელებული დაავადება. აქედან გამომდინარე, ყველას კიდევ ერთხელ მოვუწოდებ მაქსიმალური სიფრთხილისკენ – არ არის დღეს არც სამეგობროში შეკრების დრო, არც ოჯახებში დიდი შეკრებების დრო და არც არსად გარეთ, მათ შორის ეკლესიებში”

პაატა იმნაძე – დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილე

აღნიშნული განცხადება იმნაძემ მთავრობის ადმინისტრაციაში გამართულ საგანგებო ბრიფინგზე გააკეთა.