“დარწმუნებული ვარ, საქართველოში შეამჩნიეს, რომ სომხეთის რესპუბლიკის პრემიერად ჩემი არჩევის პირველივე დღიდან სომხურ-ქართული მეგობრული ურთიერთობები ვითარდება განსაკუთრებული სითბოთი, აქტიური და გულწრფელი კონტაქტებით და ჩვენთვის მტკივნეული საკითხების ირგვლივ უშუალო და ნდობაზე დაფუძნებული დიალოგით. ეს ყველაფერი იმის გამოხატულებაა, რომ საქართველოსთან ურთიერთობას სომხეთისთვის დიდი მნიშვნელობა აქვს”
აღნიშნული განცხადება სომხეთის რესპუბლიკის პრემიერ მინისტრმა, ნიკოლ ფაშინიანმა ქართველ კოლეგასთან, გიორგი გახარიასთან პირისპირ და გაფართოებულ ფორმატში შეხვედრის შემდეგ, ერთობლივ პრესკონფერენციაზე გააკეთა.