aviabiletebi
ახალი ამბები მთავარი საზოგადოება

“რუსეთის მხრიდან ვხედავთ აგრესიულ ქმედებებს საქართველოს მოქალაქეებზე” – სტოლტენბერგი კვარაცხელიას გარდაცვალებაზე

aviabiletebi
ავიაბილეთები

ნატო-ს გენერალურმა მდივანმა იენს სტოლტენბერგმა, ოკუპირებულ აფხაზეთში რუსულ სამხედრო ბაზაზე გაურკვეველ ვითარებაში გარდაცვლილი ირაკლი კვარაცხელიას საქმეზე პირველი კომენტარი გააკეთა.

ალიანსის შტაბბინაში იენს სტოლტენბერგს კითხვა “კურიერის” ჟურნალისტმა დაუსვა, თუ როგორ აფასებს ნატო რუსეთის აგრესიულ საოკუპაციო პოლიტიკას საქართველოში.

ნატოს გენერალური მდივნის თქმით, ჩრდილო ატლანტიკური ალიანსი მხარს უჭერს საქართველოს ტერიტორიულ მთლიანობას და სუვერენიტეტს.

ისი განცხადებით, რუსეთის მხრიდან საქართველოს მოქალაქეების წინააღმდეგ აგრესიული ქმედებები იკვეთება.

“ნატო-ს მხარდაჭერა საქართველოს ტერიტორიული მთლიანობის, სუვერენიტეტის მიმართ ძლიერია. რა თქმა უნდა, ამაში იგულისხმება საქართველოს უფლება, დაიცვას თავისი მოქალაქეები. ამ შემთხვევის დეტალებზე ვერ ვისაუბრებ, მაგრამ ვხედავთ, რომ რუსეთი  არღვევს საქართველოს ინტეგრაციას ე.წ. სამხრეთ ოსეთისა და აფხაზეთის რესპუბლიკების აღიარებით. გარდა ამისა, გამუდმებით წევენ საოკუპაციო ხაზს, ასევე ვხედავთ სხვა აგრესიულ ქმედებებს საქართველოსა და მისი მოქალაქეების წინააღმდეგ. ასე რომ ეს არის მაგალითი, რატომაც უჭერს ნატო საქართველოს მხარს,“- განაცხადა სტოლტენბერგმა.

შეგასენებთ, რომ გალში რუსი ოკუპანტების სამხედრო ბაზაზე გაურკვეველ ვითარებაში გარდაცვლილი ირაკლი კვარაცხელია ცოტა ხნის წინ სენაკში გადაასვენეს.

კვარაცხელიას ცხედრის ექსპერტიზა მთელი ღამის განმავლობაში მიმდინარეობდა. სახელმწიფო ექსპერტების გარდა, პროცესს აკონტროლებენ წამების მსხვერპლთა რეაბილიტაციის ცენტრის წარმომადგენლები.

იტვირთბა....