fbpx
ახალი ამბები ბანკები ეკონომიკა მთავარი საზოგადოება

“სესხის გამცემი სუბიექტები კანონის მოთხოვნებისთვის თავის არიდებას ცდილობენ” – ეროვნული ბანკი

საქართველოს ეროვნული ბანკი აცხადებს, რომ სესხის გამცემი ცალკეული სუბიექტები ცდილობენ, კანონის მოთხოვნებს თავი აარიდონ.

საუბარია 2019 წლის პირველი იანვრიდან ამოქმედებულ ცვლილებებზეა.

„2019 წლის პირველი იანვრიდან, პირი, რომლის მიმართ 20-ზე მეტ ფიზიკურ პირს აქვს სასესხო/საკრედიტო ვალდებულება და ამავდროულად გასცემს სესხებს, ვალდებულია, რეგისტრაცია გაიაროს საქართველოს ეროვნულ ბანკში. სესხის გამცემმა სუბიექტებმა უნდა დაიცვან კანონითა და ეროვნული ბანკის მიერ დადგენილი მოთხოვნები. მათ შორის, 200 ათას ლარამდე სესხი მხოლოდ ეროვნული ვალუტით უნდა გასცენ, დაიცვან მაქსიმალური ეფექტური საპროცენტო განაკვეთის 50-პროცენტიანი ზღვარი რეგულირებით დადგენილ შემთხვევებში, სესხი გასცენ მხოლოდ მსესხებლის გადახდისუნარიანობის ფარგლებში, მოახდინონ მსესხებლის სწორი ინფორმირება და სხვა.

ჩვენს ხელთ არსებული ინფორმაციით, ცალკეული სუბიექტები სავარაუდოდ ცდილობენ თავი აარიდონ კანონით განსაზღვრულ მოთხოვნებს. მათ შორის, რეგისტრაციის კუთხით, და მოჩვენებითად გააგრძელონ იგივე საკრედიტო საქმიანობა, რაც გარდა სამოქალაქო სამართლებრივი პასუხისმგებლობისა, შესაძლოა, საგამოძიებო ორგანოს მხრიდან შესწავლის საგანი გახდეს“, – ნათქვამია განცხადებაში.

ეროვნული ბანკი განმარტავს, რომ კანონმდებლობით დადგენილი მოთხოვნების გვერდის ავლით დადებული ხელშეკრულებები, მხარეთა შორის დავის შემთხვევაში, შესაძლოა, ხელშეკრულების ბათილობის საფუძველი გახდეს, რასთან დაკავშირებითაც დაინტერესებული მხარე უფლებამოსილია სასამართლოს მიმართოს.

უწყების განცხადებით, კანონმდებლობით მინიჭებული უფლებამოსილების ფარგლებში, ეროვნული ბანკი თვალს ადევნებს თავისი კომპეტენციის სფეროში მიმდინარე პროცესებს და საჭიროების შემთხვევაში, დამატებითი ღონისძიებების განხორციელების საკითხს განიხილავს.

სხვა ამბები

“ჩვენი დიდი წინაპრების შვილებს გვაქვს განსაკუთრებული მისია, რომ დავიცვათ საქართველოს კონსტიტუცია”

newsadmin

“პრეზიდენტი ვალდებულია, იყოს ზეპარტიული, მისი მოვალეობა, არა მხარედ ქცევა, არამედ შერიგებაა”

newsadmin

“არავისზე ნაკლებად მტკივა თვალდაკარგული ახალგაზრდები, მაგრამ პრეზიდენტი ვერ გაამართლებს იმას, ვინც პოლიციელზე ძალადობდა”

newsadmin

ზურაბიშვილი – პრეზიდენტი უნდა ზრუნავდეს საოკუპაციო ხაზთან მცხოვრებ საქართველოს მოქალაქეებზე, მაგრამ სხვის დაგეგმილ პროვოკაციაზე არ უნდა რეაგირებდეს

newsadmin

“არ მიხარია რუსთავის 2-ის ამ ფორმით დასრულება” – მამა პეტრე კოლხი

newsadmin

“ბატონო ბიძინა, პროკურატურაში გვარამიას ნაცვლად რამიშვილი, რომ გეთრიათ, ბევრად ჭკვიან კაცად ჩაგთვლიდით”

newsadmin
იტვირთბა....