ავღანეთის ქალაქ ჯელალაბადში ორგანიზაცია „SAVE THE CHILDREN”-ის ოფისზე თავდასხმის შედეგად, მსხვერპლთა რაოდენობა 6-მდე გაიზარდა.
აქამდე გავრცელებული ინფორმაციის თანახმად,აფეთქების შედეგად დაღუპული იყო 3 ადამიანი.
გავრცელებული ინფორმაციით, თვითმკვლელმა ტერორისტმა თავი შენობის კართან გუშინ აიფეთქა, რის შემდეგაც ოფისის ტერიტორიაზე შეიარაღებული ჯგუფი შეიჭრა.
საერთაშორისო ორგანიზაცია Save the Children-ი ბავშვების უფლებების დაცვით არის დაკავებული. თავდასხმასთან დაკავშირებით ორგანიზაციამ განაცხადა, რომ ავღანეთში თავის საქმიანობას წყვეტს.
ტერაქტზე პასუხისმგებლობა „ისლამურმა სახელმწიფომ“ აიღო.