პარიზის მეტროში ელექტროგაყვანილობის გამო მომხდარი აფეთქების შედეგად 8 ადამიანი დაშავდა.
მეტროს ადმინისტრაციის განმარტებით, კვამლის გამო სადგურის დროებით დახურვა და მგზავრების ევაკუაცია განხორციელდა.
ამ დროისთვის არსებული მონაცემებით, აღნიშნული ფაქტი ტერაქტს არ უკავშირდება.
პარიზში 2015 წელს მომხდარი ტერორისტული თავდასხმის შემდეგ, რომელსაც 130 ადამიანის სიცოცხლე ემსხვერპლა, უსაფრთხოების დონე განსაკუთრებით მაღალია.