ფალსიფიცირებული სარეცხი საშუალებები: რომელ ფხვნილს უნდა ვენდოთ

ფინანსთა სამინისტროს საგამოძიებო სამსახურმა სხვისი სასაქონლო ნიშნის მართლსაწინააღმდეგოდ გამოყენების ფაქტები გამოავლინა.
გამოძიების მიხედვით, საქართელოს რამდენიმე მოქალაქეს, სხვადასხვა ქვეყნიდან შემოჰქონდა იაფფასიანი, დაბალხარისხიანი სარეცხი საშუალებები, შემდგომში კი, კუსტარულად მოწყობილ საწარმოებში ახდენდნენ Henkel-ისა და Procter & Gamble Co.-ის ბრენდირებული პროდუქტების, PERSIL Expert Color- ის, PERSIL Vernel-ისა და ARIEL-ის, კუსტარული წესით დამზადებას, შემდგომი რეალიზაციის მიზნით.
ამოღებულია დიდი ოდენობით ფალსიფიცირებული სარეცხი საშუალებები და ის ტექნიკური აღჭურვილობა, რისი საშუალებითაც ხდებოდა ბრენდირებული სარეცხი საშუალებების ფალსიფიცირება.
საქმეზე გამოძიება სისხლის სამართლის კოდექსის 196-ე მუხლის პირველი ნაწილით მიმდინარეობს, რაც სასჯელის სახით ორ წლამდე ვადით თავისუფლების აღკვეთას ითვალისწინებს.