თურქეთის პრეზიდენტმა რეჯეფ თაიფ ერდოღანმა ქვეყანაში სამთვიანი საგანგებო მდგომარეობა გამოაცხადა, – ინფორმაციას BBC ავრცელებს.
ერდოღანის განცხადებით, საგანგებო მდგომარეობის გამოცხადება აუცილებელია „საფრთხეების ნეიტრალიზების“ მიზნით. მისივე განმარტებით, ამ პერიოდში დემოკრატიული ინსტიტუტებს საფრთხე არ შეექმნებათ.
შეგახსენებთ, რომ თურქეთში მომხდარი სამხედრო გადატრიალების მცდელობის შემდეგ დააკავეს, სამსახურიდან მოხსნეს ან მუშაობის უფლება შეუჩერეს სულ მცირე 45 ათას ადამიანს. დაკავებულია 6 000-მდე სამხედრო მოსამსახურე.