პარლამენტის ბიუროს დღეს წარედგინა საკანონმდებლო პაკეტი, რომლის მიხედვითაც საზოგადოებრივის თავშეყრის ადგილებში მწეველთათვის სპეციალური ადგილების გამოყოფა სავალდებულო იქნება, ან მოწევა მთლიანად აიკრძალება.
საკანონმდებლო პაკეტის ინიციატორი დეპუტატი გუგული მაღრაძეა.
ასევე, შესაძლოა აიკრძალოს თამბაქოს ნაწარმის, მისი აქსესუარების და მოხმარებისათვის განკუთვნლი მოწყობილობების განლაგება ვიტრინებზე, ვიტრაჟებზე, დახლზე, თაროზე და ან სხვაგან ისეთი სახით, რაც თამბაქოს პროდუქციას ხილვადს გახდის.
თამბაქოს ნაწარმის კატეგორიაში, შესაძლოა ე.წ. ელექტრონული სიგარეტიც განისაზღვროს და შეზღუდვები მის გამოყენებაზეც გავრცელდეს.
“აკრძალვები შეეხება რესტორნებს, სასტუმროებს, კაფე-ბარებს და ასე შემდეგ. ჩვენ კანონში ამ მოთხოვნას ვდებთ, მაგრამ მათ 2018 წლის 1-ელ იანვრამდე ვაძლევთ ვადას, რომ ან მოახერხონ და ცალკე მოსაწევი ადგილები გამოყონ ან მოწევა მთლიანად აკრძალონ“, – აცხადებს გუგული მაღრაძე.
დეპუტატმა ბიუროს სხდომაზე საკანონმდებლო პაკეტრის დაჩქარებული წესით განხილვა მოითხოვა.
საბოოლოდ, ბიუროს წევრები შეთანხმდნენ, რომ მას პარლამენტის ჩვეულებრივი – არადაჩქარებული წესით განიხილავს.