უკრაინის უმაღლესმა რადამ აშშ-თან იშვიათი მინერალების შესახებ შეთანხმების რატიფიცირება მოახდინა, – ინფორმაციას უკრაინული მედია ავრცელებს.
შეთანხმების რატიფიკაციას 338-მა დეპუტატმა მისცა ხმა.
დოკუმენტის გაფორმების შემდეგ უკრაინის ეკონომიკის მინისტრმა განაცხადა, რომ შეთანხმება უკრაინაში გლობალური ინვესტიციების მოზიდვას ითვალისწინებს.
აშშ-ის სახაზინო დეპარტამენტის ხელმძღვანელის, სკოტ ბესენტის თქმით, ფონდის შექმნა მიანიშნებს იმაზე, რომ ტრამპის ადმინისტრაცია სამშვიდობო პროცესების ერთგულია და ორიენტირებულია თავისუფალ, სუვერენულ უკრაინაზე გრძელვადიან პერსპექტივაში.
1-ელ მაისს შეერთებულმა შტატებმა და უკრაინამ ხელი მოაწერეს შეთანხმებას უკრაინის აღდგენის საინვესტიციო ფონდის შექმნის შესახებ, რომელიც ითვალისწინებს უკრაინის ბუნებრივ რესურსებზე ერთობლივ წვდომას.