სააგამოძიებო კომისიის თავმჯდომარის, თეა წულუკიანის განცხადებით, კომისია გამოუცხადებლობის გამო, “კოალიცია ცვლილებისთვის” ლიდერების – ნიკა გვარამიას და ზურაბ ჯაფარიძის საქმეებს, ასევე გივი თარგამაძის საქმეს პროკურატურაში გააგზავნის.
წულუკიანის თქმით, მოთხოვნა უწყებაში დღესვე გაიგზავნება.
ცნობისთვის, კომისიაზე გამოუცხადებლობა სისხლის სამართლის კოდექსის 349-ე მუხლით გათვალისწინებულ დანაშაულად ითვლება, რომელიც ისჯება ჯარიმით ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.