საუდის არაბეთში აშშ-უკრაინის დელეგაციების შეხვედრა დასრულდა, – ინფორმაციას უკრაინული მედია ავრცელებს.
გავრცელებული ინფორმაციით, აშშ-უკრაინის შეხვედრაზე განიხილებოდა 30-დღიანი ცეცხლის შეწყვეტის თემა, რომელიც ენერგეტიკის ობიექტებსა და შავ ზღვას ეხება.
ცნობისთვის, გუშინ საუდის არაბეთში გაიმართა აშშ-რუსეთის შეხვედრა. მხარეების ინფორმაციით, შეხვედრის დეტალები დღეს უნდა გამოქვეყნებულიყო, თუმცა ცოტა ხნის წინ, კრემის სპიკერმა, დიმიტრი პესკოვმა განაცხადა, რომ აღნიშნული მოლაპარაკებები ტექნიკური ხასიათის იყო და ის არ გამოქვეყნდება.