პარლამენტმა პირველი მოსმენით ადმინისტრაციულ და სისხლის სამართლის კოდექსებში ცვლილებებს მხარი დაუჭირა. ასევე, ცვლილებები შეეხო შეკრებებისა და მანიფესტაციების შესახებ კანონსაც.
ცვლილებების თანახმად, ადმინისტრაციული სასჯელი დაწესდება საჯარო და/ან პოლიტიკური პირის შეურაცხყოფაზე. ამასთან, სისხლის სამართლის დანაშაული გახდება საჯარო და/ან პოლიტიკური პირის მიმართ მუქარა და “საქმიანობასთან დაკავშირებით” თავდასხმა.
შეგახსენებთ, რომ კანონში ცვლილებებთან დაკავშირებით, ორი დღის წინ, “ქართული ოცნების” აღმასრულებელმა მდივანმა, მამუკა მდინარაძემ ბრიფინგზე ისაუბრა.