თუშეთის სოფელ ომალოში ურთიერთშელაპარაკებით დაწყებული კონფლიქტი სისხლიან დაპირისპირებაში გადაიზარდა – დაჭრილია სამი მამაკაცი, აქედან კი ერთის მდგომარეობა რთულია.
თვითმხილბელების თქმით, სოფელში ქორწილისა და ნათლობის სუფრები იყო გაშლილი, რა დროსაც არაფხიზელ მდგომარეობაში მყოფ კაცებს შორის ჯერ სიტყვიერი დაპირისპირება დაიწყო, შემდეგ კი ფიზიკური ანგარიშსწორებაში გადაიზარდა.
ერთ-ერთი დაჭრილი თელავის რეფერალურ საავადმყოფოში, მეორე კი ყამბარაშვილის კლინიკაშია მოთავსებული. მესამე დაჭრილის მდგომარეობა რთულია, ის სასწრაფო დახმარების ბრიგადამ თბილისში გადაიყვანა.
სამივე მათგანი ცივი იარაღითაა დაჭრილი.
ფაქტზე გამოძიება სისხლის სამართლის კოდექსის 117-ე და 126-ე მუხლებით დაიწყო, რაც ჯანმრთელობის განზრახ მძიმე დაზიანებისა და ძალადობას გულისხმობს. დაკავებულია 1 პირი.