თელავის რაიონის სოფელ აკურაში მცხოვრებ ახალგაზრდა მამაკაცებსა და სამართალდამცავებს შორის სიტყვიერი დაპირისპირება და ფიზიკური შეხლა-შემოხლა კაფე „შუა ქალაქში“ დაიწყო და გარეთ გაგრძელდა, რა დროსაც ე.წ. პნევმატური იარაღიდან გასროლა მოხდა.
დამსხვრეულია შენობის ფანჯრები, ერთ-ერთმა პოლიციელმა კი მცირე დაზიანება სახის არეში მიიღო.
რა გახდა დაპირისპირების მიზეზი უცნობია. პოლიციამ ინციდენტში მონაწილე 6 ახალგაზრდა თელავის წინასწარი მოთავსების იზოლატორში გადაიყვანა.
საქმე ხულიგნობისა და პოლიციისთვის წინააღმდეგობის გაწევის მუხლით აღიძრა.