პოლიტიკური მოძრაობა “დროა” ბოლო პერიოდში უკრაინაში ქართველი მებრძოლების წინააღმდეგ გაჟღერებულ არა ერთ გახმაურებულ მადისკრედიტირებელ განცხადებას სპეციალური მიმართვით გამოეხმაურა. როგორც მიმართვაშია ნათქვამი, ეს არ არის სახელისუფლებო გუნდის პირველი ქმედება, რომელიც ქართველი მებრძოლების წინააღმდეგ არის მიმართული, ეს კი ემსახურება მხოლოდ ერთ რამეს – ოცნებას სურს, რუსეთი ასიამოვნოს:
„ქართული ოცნება“ მამუკა მდინარაძისა და რატი იონათამიშვილის პირით უკრაინაში ქართველ მებრძოლებს ფაქტობრივად საქართველოს მოქალაქეობის ჩამორთმევით დაემუქრა. მათ განაცხადეს, რომ საქართველოს კანონმდებლობით უცხო ქვეყნის ჯარში შესვლა ავტომატურად გულისხმობს საქართველოს მოქალაქეობის დაკარგვას.
ეს არ არის „ქართული ოცნების“ პირველი ქმედება ქართველ მებრძოლთა წინააღმდეგ. შეგახსენებთ, რომ „ქართულმა ოცნებამ“ რუსეთის აგრესიის წინააღმდეგ საომრად უკრაინაში მიმავალი ქართველები თვითმფრინავში არ აუშვა, უარი თქვა დაღუპულთა ჩამოსვენებისას მათ დახვედრაზე, უძნელდება დაღუპულთა ოჯახების მიმართ სამძიმრის გაცხადებაც კი და მებრძოლებს „ომის პარტიის“ მიერ ანტისახელმწიფოებრივი პროვოკაციებისთვის მართულ ხალხს უწოდებს.
პარტია დროა მივიჩნევთ, რომ „ქართული ოცნების“ წარმომადგენლები გამიზნულად ცდილობენ უკრაინაში ქართველი მებრძოლების დისკრედიტაციას. მათ სურთ, ასიამოვნონ რუსეთს და როგორმე შეამცირონ ხალხში ჩვენი გმირების პოპულარობა, რადგან პატრიოტიზმისა და თავისუფლების იდეით გაერთიანებული ხალხი არასდროს იქნება „ქართული ოცნების“ მორჩილი და აუცილებლად გაათავისუფლებს ქართულ სახელმწიფოს” – წერია “დროას” მიმართვაში.