რუსეთში მობილიზაციის შესახებ ვლადიმერ პუტინის განკარგულების ერთ-ერთი პუნქტი დამალეს, – აღნიშნულის შესახებ ინფორმაციას უკრაინული მედია ავრცელებს.
მედიის ცნობით, ამ ფაქტმა ყურადღება მიიქცია, რადგან კრემლის ვებსაიტზე არსებული დოკუმენტიდან მე-7 პუნქტი იყო გამოტოვებული.
როგორც ირკვევა, მას „სამსახურეობრივი გამოყენების“ მიზნით გრიფი ადევს.
რუსეთის ფედერაციის პრეზიდენტის პრესმდივნის დიმიტრი პესკოვის თქმით, მობილიზაციის შესახებ ბრძანებულების მე-7 პუნქტი (კრემლის ვებსაიტზე გამოტოვებული იყო) ეხება გასაწვევი რეზერვისტების რაოდენობას.
საბოლოოდ ირკვევა, რომ მე-7 პუნქტი არსებობს, თუმცა მისი შინაარსი უცნობია.
შეგახსენებთ, რომ ვლადიმერ პუტინმა რუსეთის ფედერაციაში ნაწილობრივი მობილიზაცია გამოაცხადა.
რუსეთის თავდაცვის მინისტრის განცხადებით, სამხედრო სამსახურში 300 000 რეზერვისტს გამოიძახებენ.