იუსტიციის უმაღლესი საბჭოს ორგანიზებით მიმდინარე კონფერენციაზე, სასტუმრო „რედისონში”, მოსამართლეები პარლამენტის ვიცე-სპიკერს მანანა კობახიძეს დაუპირისპირდნენ.
დაპირისპირების მიზეზი მანანა კობახიძის სასამართლო სისტემის წარმომადგენლების მისამართით განაცხადება, გახდა, რომ წინა ხელისუფლების დროს პროკურატურის მხრიდან სასამართლოზე ზეწოლა ეღიარებინათ:
„ჩვენ გვინდა, რომ სასამართლო იყოს ძლიერი დამოუკიდებელი, მიუკერძოებელი და მოსამართლე არავის აბარებდეს ანგარიშს, მაგრამ თვალი გავუსწოროთ სიმართლეს, ვთქვათ, სად იყო პრობლემა – იყო ზეწოლები, დაშინებები, ზეგავლენის მოხდენა პროკურორების მხრიდან და თავის დროზე რომელ საქმეებეზე იყო? ვაღიაროთ და გაპატიებთ. ყველამ ერთად მოვიხადოთ ბოდიში საზოგადოების წინაშე”, – განაცხადა მანანა კობახიძემ.
მოსამართლეების განცხადებით, არანაირი ზეწოლა პროკურორების მხრიდან მათზე არ ყოფილა. დარბაზში რეპლიკები იყო მოსამართლეების მხრიდანაც: “რა უნდა ვაღიაროთ, რას გვაპატიებთ” – ისინი კობახიძის მიერ გამოთქმული აზრის წინააღმდეგ წავიდნენ.