მე გეთანხმებით, რომ მთავრობის პასუხისმგებლობაა ყველაფერი, რაც ქვეყანაში ხდება, მაგრამ პირველი პირობა, რაც არის პოლარიზების დასრულება, ამას ვერ გავაკეთებთ ოპოზიციის გარეშე და პირიქით – ოპოზიცია ვერ გააკეთებს ხელისუფლების გარეშე. ჩვენ საჯარო ვალდებულებას ვიღებთ, რომ პოლარიზება დავასრულოთ, ეს ჩვენი საჯაროდ გაცხადებული კეთილი ნებაა
ამის შესახებ პრემიერ-მინისტრმა ირაკლი ღარიბაშვილმა ჟურნალისტებს განუცხადა ბრიფინგის შემდეგ, რომელიც ევროსაბჭოს გადაწყვეტილებას შეეხებოდა.
შეგახსენებთ, ევროპულმა საბჭომ ასოცირებული ტრიოს ევროპულ პერსპექტივას მხარი დაუჭირა, კანდიდატის სტატუსი კი მხოლოდ უკრაინასა და მოლდოვას მიანიჭა.
ამავე თემაზე: “საქართველომ მიიღო ის, რაც დავიმსახურეთ”, – ღარიბაშვილი