რუსები მარიუპოლში საზღვაო/სადესანტო ოპერაციისთვის ემზადებიან, – აღნიშნულის შესახებ ინფორმაციას, უკრაინული მედია ქვეყნის გენერალურ შტაბზე დაყრდნობით ავრცელებს.
უწყების ცნობით, რუსეთის ფედერაციის ტერიტორიიდან სარაკეტო დარტყმებისა და საარტილერიო დაბომბვის ალბათობა ჩერნიგოვისა და სუმის რეგიონებში ისევ შენარჩუნებულია.
„რუსული შენაერთების გადაადგილება უკრაინის ტერიტორიაზე კურსკის, ბრაიანსკის და ვორონეჟის რეგიონებიდან გრძელდება. უკრაინის ტერიტორიაზე მდებარე რუსეთის ფედერაციის შეიარაღებული ძალების დანაყოფებს მნიშვნელოვანი პრობლემები აქვთ უზრუნველყოფის თვალსაზრისით.
პირდაპირი დაპირისპირების ხაზზე განლაგებულ ოკუპანტთა ქვედანაყოფებში პერსონალის უკმაყოფილება იზრდება, მორალური და ფსიქოლოგიური მდგომარეობა რჩება დაბალ დონეზე. რუსი სამხედროები მუდმივად უჩივიან როტაციის ნაკლებობას, გაფუჭებულ აღჭურვილობას, მიწოდებული საწვავის ხარისხს და საკვებს”, – ნათქვამია ინფორმაციაში.