დათა თუთაშხიას ჰქონდა კონსპირაციული წესი, ის ჟღერდა ასე: “თუ დაგინიშნეს შეხვედრა, მიდი ან ერთი დღით ადრე, ან ერთი დღით გვიან. ასე ყოველთვის დარჩები ცოცხალი”, – უკრაინის პრეზიდენტის უფროსმა მრჩეველმა, ალექსეი არესტოვიჩმა ვიდეომიმართვაში, ციტატა ცნობილი ქართველი კლასიკოსი მწერლის, ჭაბუა ამირეჯიბის რომანიდან “დათა თუთაშხია” მოიყვანა.
მისი თქმით, რუსეთთან ურთიერთობაში სწორედ ეს მიდგომა უნდა გამოიყენონ.
“ძვირფასო მეგობრებო, პრობლემა უნდა მიიღო. ამიტომ მიწევს, მოგმართოთ და გითხრათ, თუ რა როგორ უნდა იყოს. იყო ქართული ეპოსის ასეთი ცნობილი ლიტერატურული გმირი, რომელიც ეწინააღმდეგებოდა დაწყევლილ ცარიზმს. მას დათა თუთაშხიას ეძახდნენ, თავის დროზე, ძველ კარგ დროს, კარგი სერიალიც იყო.
დათა თუთაშხიას ჰქონდა კონსპირაციული წესი, ის ჟღერდა ასე: თუ დაგინიშნეს შეხვედრა, მიდი ან ერთი დღით ადრე, ან ერთი დღით გვიან. ერთი დღით გვიან, ყოველთვის დარჩები ცოცხალი. ზუსტად ეს წესი უნდა გამოვიყენოთ ჩვენს პოზიციებთან თუ რუსების მიერ ჩვენი ქალაქებისა თუ პოზიციების დაბომბვის შედეგებთან დაკავშირებით. მესმის, რომ ყველას უნდა გადაიღოს ფოტო და თქვას, – ნახეთ, დაეცა, აფეთქდა, ღმერთო, რა საშინელებაა, მაგრამ ამით მოწინააღმდეგეს საქმეს უმარტივებთ”, – აცხადებს არესტოვიჩი.