“როდის დასრულდება ომი” – უკრაინის პრეზიდენტის აპარატის უფროსი მრჩევლის პროგნოზი

უკრაინის პრეზიდენტის აპარატის უფროსმა მრჩეველმა, ალექსეი არესტოვიჩმა დიმიტრი გორდონთან ინტერვიუში ომის დასრულების სავარაუდო თარიღი დაასახელა.

მისივე თქმით, ომიდან 2 გამოსავალი, სიტუაციის მოგვარების 2 სცენარი არსებობს.

„ჩვენ გვაქვს ორი გამოსავალი: პირველი, მოლაპარაკებები, რომელიც ახლა წარმატებით მიმდინარეობს და შესაძლოა, ყველაფერი რაც შეიძლება მალე დაახლოებით 1-2 კვირაში გადაწყდეს. ვგულისხმობ რუსული ჯარების სრულ გაყვანას. თუმცა, ვფიქრობ, ეს არ მოხდება“, – განაცხადა არესტოვიჩმა.

მან ასევე იწინასწარმეტყველა მეორე სცენარი, თუ რუსეთი მოისყიდის რეზერვებს და კვლავ შეეცდება უკრაინის ხელში ჩაგდებას.

“მეორე ვარიანტი: რუსეთი მოისყიდის რეზერვებს, გაიგებს, რომ ჩვენთან მოლაპარაკებას ვერ შეძლებს. შემდეგ კი იქნება უკრაინაზე თავდასხმის კიდევ ერთი მცდელობა. შემდეგ კიდევ ერთი კვირა დაგვჭირდება მათ დასაფქვავად. და ამას ისინი ვერ გააკეთებენ. აღარ აქვთ რეზერვები. თუ არის მეორე ვარიანტი, მაშინ ამ ყველაფერს შეიძლება კიდევ ერთი თვე დასჭირდეს – ასეთ შემთხვევაში ომი აპრილის შუა რიცხვებამდე გაგრძელდება“, – დასძინა არესტოვიჩმა.

უკრაინული მედიის ცნობით, უკრაინის შეიარაღებული ძალები ზოგიერთ რაიონში კონტრშეტევაზე გადადიან და დავალებებს წარმატებით ასრულებენ.