ხერსონში რუსმა ოკუპანტებმა 2 ცხრასართულიანი კორპუსი დაბომბეს, – აღნიშნულის შესახებ ინფორმაციას, უკრაინული მედია ავრცელებს.
მისივე ცნობით, კორპუსების მე-2 და მე-3 სართულები მთლიანად განადგურდა.
როგორც ინფორმაციაში ვკითხულობთ, მომხდარის შედეგად 4 ადამიანი დაშავდა, ხანძარი ამ დროისთვის ლიკვიდირებულია.
როგორც UNIAN წერს, 4 დღის განმავლობაში რუსი დამპყრობლების დანაკარგებმა დაღუპულთა და დაჭრილებში 5,3 ათასზე მეტი ადამიანი შეადგინა.
ცნობისთვის, ახტირკაში, რუს ოკუპანტებთან შეტაკებისას 70 უკრაინელი სამხედრო დაიღუპა.
ამასთან, CNN-ის ცნობით, კიევთან რუსული სამხედრო კოლონა 64 კმ სიგრძეზეა განლაგებული და ქალაქის ბლოკადისთვის ემზადება.