ცენტრალური საარჩევნო კომისიის ინფორმაციით, ადგილობრივი თვითმმართველობის არჩევნების მეორე ტურზე, 12:00 საათის მონაცემებით, საარჩევნო უბნებზე ამომრჩეველთა აქტივობამ 17.18% შეადგინა, რაც რაოდენობრივად 358 782 ადამიანს შეადგენს.
რეგიონების მიხედვით ყველაზე მაღალი აქტივობა რაჭა-ლეჩხუმში დაფიქსირდა – 24.6%, ხოლო ყველაზე დაბალი – 13.2% მცხეთა მთიანეთში.
რაც შეეხება დედაქალაქს, აქტივობა 16.5% შეადგენს, რაც 164 929 ამომრჩეველია.
თბილისში ყველაზე მაღალი აქტივობით გამოირჩევა დიდუბის ოლქი 17,7%-ით, ხოლო ყველაზე დაბალი აქტივობა – 14,8% ისანშია.
შეგახსენებთ, რომ 5 თვითმმართველ ქალაქში, 15 მუნიციპალიტეტსა და 24 საარჩევნო ოლქში ადგილობრივი თვითმმართველობის არჩევნების მეორე ტური მიმდინარეობს.