“400 000ლარი‼️ იმდენი ფული გვაქვს ჯანდაცვაში, რომ სად წავიღოთ, არ ვიცით. კვლევები ნამდვილად საჭიროა ყველა მიმართულებით, მაგრამ … სიტყვა “პრიორიტეტი” ამ ქვეყანაში ვინმეს ახსოვს ?!” – ამის შესახებ სოციალურ ქსელში გაეროს გენერალური მდივნის მრჩეველი, დამოუკიდებელი ექსპერტი, პროფესორი გიორგი ფხაკაძე წერს და ამით მთავრობის გადაწყვეტილებას გამოეხმაურა, რომლის თანახმადაც, საქართველოში კორონავირუსგადატანილი პაციენტების კვლევა უნდა დაიწყოს.
ფხაკაძის განცხადებით, აღნიშნული კვლევა საჭიროა, თუმცა უფრო პრიორიტეტული საკითხებიც არსებობს.
“ერ დაადგინეთ 4 000-მდე ადამიანის სიკვდილიანობის ყველა, დიახ, ყველა მიზეზი და მერე დაიწყეთ სხვა რამეზე ფიქრი, საუბარი, დაგეგმვა. რა შეცდომები დაუშვეს ეპიდემიოლოგებმა?! რა შეცდომები დაუშვა ჯანდაცვის სამინისტრომ?! რა შეცდომები დაუშვეს კლინიკებმა და პოლიკლინიკებმა?! რა შეცდომები დაუშვეს აფთიაქებმა?! რა შეცდომები დაუშვა სამედიცინო პერსონალმა?!
ჩვენ ყველას გვაინტერესებს ამაზე პასუხი! შეისწავლეთ და, დიახ, ჩაატარეთ მეცნიერული და არა პოლიტიკურად ანგაჟირებული კვლევა, რომ დადგინდეს ამ შეცდომების მეცნიერული მიზეზები. გადავდოთ პოლიტიკურ-ჩინოვნიკური ამბიციები… ვისწავლით შეცდომებზე! ქვეყანა მზადყოფნაში უნდა იყოს და არ დაუშვას ძველი შეცდომები.
სამწუხაროდ, ჩემი პროგნოზი 2021 წლის აპრილში მოსალოდნელ მესამე ტალღასთან დაკავშირებით მტკიცდება ჯანდაცვის მსოფლიო ორგანიზაციის ბოლო 7 დღის მანჩვენებლების მიხედვით. ვირუსის ზრდის ტენდეცია ისევ ადის ზევით, ზოგ რეგიონში თითქმის 7%-მდე. ეს არის კიდევ ერთი განგაშის ზარის საფუძველი…”, – წერს გიორგი ფხაკაძე.