„ისლამური სახელმწიფო“ კავკასიასაც ემუქრება (ვიდეო)

 

 

„ისლამური სახელმწიფო“ ვიდეოს ავრცელებს, სადაც რუსეთს ტერორისტული აქტებით ემუქრება. ვიდეოში ხაზგასმულია, რომ თავდასხმები „ძალიან მალე“ მოხდება. ვიდეოს რუსულ ვერსიაში „ისლამური სახელმწიფო“ კავკასიის დაბრუნებითაც იმუქრება.
„სისხლი ზღვასავით დაიღვრება“ – ნათქვამია რუსეთისთვის გაგზავნილ ვიდეოში.
ე.წ. „ისლამური სახელმწიფო“ არის სუნიტ ჯიჰადისტთა ტერორისტული ორგანიზაცია ერაყსა და სირიაში. ისინი ერაყსა და სირიის ნაწილს აკონტროლებენ. როგორც ორგანიზაციის ლიდერმა განაცხადა, 2003 წელს აშშ -ს პრეზიდენტ ჯორჯ ბუშის შეჭრამ ერაყში მიიყვანა ისინი ჯიჰადამდე ამერიკელების წინააღმდეგ.
გაერო „ისლამურ სახელმწიფოს“ ტერორისტულ ორგანიზაციად მიიჩნევს და ადამიანის უფლებების მასობრივ დარღვევაში ადანაშაულებს.