“ისლამური სახელმწიფო” – ეს თავდასხმა “მომავალი კოკისპირული წვიმის პირველი წვეთია“
“ოფიციალური განმარტება კურთხეული თავდასხმის შესახებ ჯვაროსნულ საფრანგეთზე” – ასეთი ტექსტობრივი მასალა გაავრცელა “ისლამურმა სახელმწიფომ” პარიზში განხორციელებული თავდასხმებზე.,
მათ საფრანგეთს გარყვნილების ქვეყანა უწოდეს.
“8 ძმა, ასაფეთქებელი ქამრებითა და ავტომატებით, მივიდა იმ ადგილებში, რომელიც დედაქალაქის გულში, წინასწარ, გულდასმით შეირჩა. ამ ადგილებს შორის სტადიონი “სტად დე ფრანსია”, სადაც იმ მომენტში გერმანიასა და საფრანგეთის მატჩი მიმდინარეობდა და რომელსაც ფრანგი ფრანსუა ოლანდი ესწრებოდა, ასევე თავდასხმა განხორციელდა “ბატაკლანის” საკონცერტო დარბაზზე, სადაც ათასობით წარმართი მრუშობის დღესასწაულზე შეიკრიბა. ამავდროულად, განხორციელდა თავდასხმები სხვა სამიზნეებზე ქალაქის მე-10, მე-11 და მე-18 რაიონებში”, – ნათქვამია განცხადებაში.
“ისლამური სახელმწიფოს” ცნობით, მას შემდეგ, რაც თავდამსხმელებს ტყვია-წამალი გაუთავდათ, “ურწმუნოთა ბრბოში” თავი აიფეთქეს.
“იცოდეს საფრანგეთმა და ყველამ, ვინც მის კვალდაკვალ მიდის, რომ ისინი “ისლამური სახელმწიფოს” მთავარ სამიზნეებად დარჩებიან. თქვენ სიკვდილის სუნს იქამდე იგრძნობთ, სანამ ჯვაროსნების კოალიციაში ხართ, სანამ ჩვენს წინასწარმეტყველს (მშვიდობა მას და ღვთის კურთხევა) ლანძღავთ, სანამ ამაყობთ თქვენი ომით ისლამის წინააღმდეგ საფრანგეთში და ავიადარტყმებით სახალიფოს მიწებზე. არადა ეს თვითმფრინავები პარიზის ქუჩებში ვერ დაგიცავენ”, – ნათქვამია განცხადებაში.
“ისლამური სახელმწიფოს” ცნობით, პარიზში განხორციელებული თავდასხმა “მომავალი კოკისპირული წვიმის პირველი წვეთია”.
აღსანიშნავია, მოგვიანებით გავრცელდა ინფორმაცია, რომ ერთ-ერთი ტერორისტი სავარაუდოდ ქალია.