ახალი ამბები ვიდეო მთავარი

(ვიდეო) ვრცელდება კადრები, სადაც სავარაუდოდ ბადრი ესებუა ჩანს – “თავდამსხმელი ხურდებს ითვლის”

ძებნილი ბადრი ესებუას ქუჩაში გადაადგილების კადრებს ასევე “ფორმულანიუსიც” ავრცელებს, რომელსაც, ტელეკომპანიის თქმით, კონფიდენციალურმა წყარომ მიაწოდა.

ვიდეომასალა, სადაც სავარაუდოდ ბანკზე თავდასმის შემდეგაა გადაღებული, ჩანს, როგორ გადაადგილება ბადრი ესებუა კონკრეტულ ტერიტორიაზე.

ესებუა კადრში ხურდებს ითვლის.

შინაგან საქმეთა მინისტრის მოადგილემ, ვლადიმერ ბორცვაძემ ზუგდიდის სამხარეო პოლიციის მთავარ სამმართველოში საგანგებო ბრიფინგზე განაცხადა, რომ ბანკზე თავდამსმელი ბადრი ესებუა ამ დროისთვის დაკავებული არ არის და საგამოძიებო მოქმედებები ისევ მიმდინარეობს.

შეგახსენებთ, რომ 21 ოქტომბერს, ზუგდიდში საქართველოს ბანკის ერთ-ერთ ფილიალში შეიარაღებული მამაკაცი შეიჭრა, რომელმაც ფულის სანაცვლოდ მძევლები აიყვანა. ადგილზე მობილიზებული იყო პოლიცია, გარკვეული პერიოდით, ჯავშანტექნიკაც.

თავდამსხმელმა მოგვიანებით შენობა სამ მძევალთან ერთად დატოვა. კადრებიდან ჩანდა, რომ შენობის დატოვების დროს მას ერთი ხელი აწეული ჰქონდა და ხელში ხელყუმბარა ეჭირა.

22 ოქტომბერს, გამთენიისას შსს-მ გაავრცელა განცხადება, რომლის თანახმად, ავთანდილ გალდავას უშუალო ძალისხმევით შეიარაღებული დამნაშავისგან ყველა მძევალი გათავისუფლდა და მათ სიცოცხლეს და ჯანმრთელობას საფრთხე არ ემუქრება. ხოლო დამნაშავის დაკავების მიზნით სამართალდამცველები ინტენსიურ რეჟიმში აგრძელებენ ოპერატიულ-საგამოძიებო და სამძებრო ღონისძიებებს.

ფაქტზე გამოძიება სისხლის სამართლის კოდექსის 179-ე, 236-ე და 144-ე მუხლებით დაიწყო.

 

ავიაბილეთები იაფად
იტვირთბა....