საავტომობილო გზების დეპარტამენტი გზების ნაწილზე არსებული მდგომარეობის შესახებ ინფორმაციას აქვეყნებს.
როგორც დეპარტამენტის ვებგვერდზე გამოქვეყნებულ ინფორმაციაში ვკითხულობთ, დიდთოვლობის გამო, ზუგდიდი-ჯვარი-მესტია-ლასდილის საავტომობილო გზის კმ 70-კმ 188 (ხაიში-უშგული) მონაკვეთში აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადამიანზე მეტი ტევადობის ავტობუსის მოძრაობა. დანარჩენი სახის ავტოტრანსპორტის მოძრაობა თავისუფალია.
რთული მეტეოროლოგიური პირობების (ქარბუქი, ნამქერი, შეზღუდული ხილვადობა) გამო, კოდა-ფატცხისი-მანგლისი-წალკა-ნინოწმინდის საავტომობილო გზის კმ 94-კმ 110 მონაკვეთში აკრძალულია ყველა სახის ავტოტრანსპორტის მოძრაობა.