“ყარაბაღის ტერიტორიაზე მცხოვრებ სომხებს ჩვენს მოქალაქეებად განვიხილავთ. მივიჩნევთ, რომ კონფლიქტის დარეგულირების შემდეგ, მას შემდეგ, რაც ოკუპაციას წერტილი დაესმება, მთიანი ყარაბაღის სომხურმა და აზერბაიჯანულმა მოსახლეობამ ერთად უნდა იცხოვროს.”
ილჰამ ალიევი – აზერბაიჯანის პრეზიდენტი
შეგახსენებთ, მთიან ყარაბაღში სომეხ და აზერბაიჯანელ სამხედროებს შორის შეიარაღებული დაპირისპირება 27 სექტემბერს დაიწყო.
თავდაპირველად სომხეთის მთავრობამ ქვეყანაში საომარი მდგომარეობა და საყოველთაო მობილიზაცია გამოაცხადა. აზერბაიჯანის მთავრობამ კი სომხეთს განუმარტა, რომ სომხეთის ქმედებებს უპასუხოდა არ დატოვებდა და მოგვიანებით აზერბაიჯანმა სამხედრო მდგომარეობა მთელი ქვეყნის მასშტაბით გამოაცხადა.