ვარკეთილში დამწვარი ბაზრის მოვაჭრეებმა პროტესტის ნიშნად გზა გადაკეტეს.
მოვაჭრეები ხელისუფლებას უმოქმედობაში ადანაშაულებენ და დახმარებას ითხოვენ.
როგორც ისინი აცხადებენ, მათი შემოსავლის ძირითადი წყარო სწორედ ვაჭრობაა.
შეგახსენებთ, რომ ვარკეთილის ბაზარი 16 ივნისს დაიწვა. ინციდენტმა ათობით მოვაჭრე შემოსავლის გარეშე დატოვა. დაზარალებულებმა დახმარების მოთხოვნით, საპროტესტო აქცია, ხანძრის მეორე დღესაც გამართეს.