ახალი ამბები მთავარი სამართალი

პროკურატურა მზადყოფნას გამოთქვამს, გიორგი შაქარაშვილის საქმის გამოძიების ფარგლებში სახალხო დამცველთან ითანამშრომლოს

საქართველოს პროკურატურა მზადყოფნას გამოთქვამს, გიორგი შაქარაშვილის საქმის გამოძიების ფარგლებში, ითანამშრომლოს სახალხო დამცველთან, – ამის შესახებ გენერალური პროკურატურის მიერ გავრცელებულ განცხადებაში არის აღნიშნული.

„საქართველოს პროკურატურა მზადყოფნას გამოთქვამს, გიორგი შაქარაშვილის საქმის გამოძიების ფარგლებში, ნებისმიერ ეტაპზე ითანამშრომლოს სახალხო დამცველთან. აღნიშნულთან დაკავშირებით, პროკურატურის წარმომადგენლებს უკვე ჰქონდათ კომუნიკაცია სახალხო დამცველის აპარატთან. ომბუდსმენის აპარატის წარმომადგენლებს მიეცემათ საშუალება, გაეცნონ სისხლის სამართლის საქმის მასალებს“, – აცხადებენ პროკურატურაში.

შეგახსენებთ, რომ დღეს სახალხო დამცველის აპარატმა  ოფიციალურად მიმართა საქართველოს გენერალურ პროკურატურას საქმის მასალების გაცნობის თხოვნით, რათა შეისწავლონ გამოძიების ეფექტურობა და მეორეს მხრივ, შეაფასონ სხვადასხვა პირთა უფლებრივი მდგომარეობა.

ავიაბილეთები იაფად
იტვირთბა....