დედაქალაქის მერი კახა კალაძე პრემიერის თანამდებობიდან გიორგი გახარიას გადადგომას უარყოფს.
ამის შესახებ კახა კალაძემ ჟურნალისტის კითხვას უპასუხა, შეესაბამება თუ არა სინამდგილეს გავრცელებული ინფორმაცია, რომ გიორგი გახარია გადადგა.
“არა, არაფერი მსმენია ამასთან დაკავშირებით,”- აცხადებს კახა კალაძე.
შეგახსენებთ, ბოლო პერიოდში ვრცელდება ინფორმაცია, რომ გიორგი გახარია პრემიერის პოსტს დატოვებს და მის ადგილას სახელმწიფო უსაფრთხოების სამსახურის უფროსი გრიგოლ ლილუაშვილი დაინიშნება.