“თუ ეპიდემია წავიდა დაღმავალი გზით, როგორც ეს ხდება, მაგალითად, გრიპის დროს, მაშინ აღარც აგრესიული ტესტირების საჭიროება იქნება, თუმცა პირადად მე არ მგონია, რომ ეს ასე იოლად არ მოხერხდება. მე მაინც ვფიქრობ, რომ ჯერ იქნება მატება, სადღაც თვის ბოლოს მივაღწევთ პიკს, შემდეგ იქნება პლატო და შემდეგ შეიძლება წავიდეს დაღმავალი გზით. ჩვენ მოგვიწევს კოვიდთან თანაცხოვრება, ე.წ. კოჰაბიტაცია”
თენგიზ ცერცვაძე, თბილისის ინფექციური საავადმყოფოს დირექტორი
ამის შესახებ თენგიზ ცერცვაძემ ექიმთა საერთო შეხვედრის დასრულების შემდეგ ჟურნალისტებთან საუბრისას განაცხადა.
დღეს პირველ საუნივერსიტეტო კლინიკაში მედიკოსების გაფართოებული შეხვედრა გაიმართა.
შეგახსენებთ, 25 აპრილის მონაცემებით საქართველოში კორონავირუსის 456 შემთხვევაა დადასტურებული. მათ შორის გამოჯანმრთელებულია 132 მოქალაქე.