“ეკლესიიდან ინფექცია არ გავრცელდება. ეკლესიაში პირიქით მოდიან ადამიანები, რომ განიკურნონ სულიერად და ხორციელად. რაც შეეხება ლიტურგიას, ჩვენ არ ვიცით რა გადაწყვეტილება იქნება, ველოდებით პატრიარქის ლოცვა-კურთხევას და ოფიციალურად საპატრიარქო გააკეთებს ამის შესახებ განცხადებას. როგორც იქნება პატრიარქის ლოცვა-კურთხევა, ისე ჩატარდება საქართველოს ეკლესია- მონასტრებში. ყველა ეკლესია, მონასტერი, ეპარქია ექვემდებარება პარტიარქის ლოცვა -კურთხევას.”
მეუფე გერასიმე – ზუგდიდისა და ცაიშის მიტროპოლიტი
მეუფე გერასიმემ ამის შესახებ ჟურნალისტებთან კითხვის საპასუხოდ განაცხადა, თუ რა ფორმით ჩატარდება სააღდგომო ლიტურგია.
ცნობისთვის, სააღდგომო ლიტურგიასთან დაკავშირებით მთავრობა და საპატრიარქო კონსულტაციებს გადიან. ამ დროისთვის უცნობია, როგორ ჩაატარებს ეკლესია სააღდგომო ლიტურგია, თუმცა, პრემიერ-მინისტრმა გიორგი გახარიამ გაავრცელა ინფორმაცია, რომ აღდგომის ღამეს ეკლესია არ დაიკეტება.